Karabana Balkanetako bidera joango da azkenean! 2020rako aurreikusitako helmuga zen, pandemiagatik atzeratu behar izan genuena, gogoratzen?

Lau urteren ondoren, berriro ekin diogu ibilbide horri. apirilean Europako Parlamentuan Migrazio eta Asilorako Itun Europarra onartu berri du eta ekainean Europako hauteskundeetan eskuin muturrak gora egitea aurreikusten den testuinguruan beharrezkoa da EBra sartzeko “atzeko atean” gertatzen dena ikusaraztea.
Lekuz aldatzen ari diren pertsonek jasaten duten indarkeria salatzea eta indarkeria hori sostengatzen duten politikak eta kontakizun mediatikoak izango dira karabana honen norabidea markatuko dutenak.

Interes ekonomikoek eta EBra atxikitzeko asmoa direla medio , Europar Batasunak joko gaiztoa egiten du Balkanetako gobernuekin. Eta horrela, migranteak hartzera eta giza eskubideak urratzera behartu egiten ditu. Honek gerra zibilaren zaurietatik oraindik sendatu ez diren herrialdeen mugak are gehiago militarizatzeak migratzaileen eta, oro har, herritarren aurkako indarkeria indartzea dakar.

Hona hemen bidaiaren zehaztasun batzuk.

Italian Paduan izango gara historialari eta aktibistekin, Balkanetako gerraren memoria eta migratzaileen egungo egoera ezagutzeko. NATOk Avianon duen base militarrean geldituko gara, EBren gorakada militarista salatzeko, Ukrainako gerra eta Errusiarekiko tentsioa baliatzen baititu industria militarra bultzatzeko, baita Israelgo estatu sionistak Palestinako herriaren aurka egindako genozidioak nazioartean sortutako tentsioa ere.

Bosnia eta Herzegovinan Bihac hirian egongo gara. Hiri hori 3 urtez egon zen setiatuta 90eko hamarkadan, eta genozidio bortitza gertatu zen, batez ere musulmanen aurka. Gaur egun transito hiria da migratzaile askorentzat, horietako askok gerretatik ihes egiten dute beren jatorrizko herrialdeetan. Lipako eremutik gertu egongo gara, migratzaileen atxiloketa eta konfinamendu zentro lotsagarria. Muga delikatu honetan lan egiten duten aktibista taldeekin elkartuko gara, “game” deritzona hasten den lekuan.
Italian, berriz ere, Triestera bidaiatuko dugu, eta han hainbat jarduera egingo ditugu, hala nola Gradiscako Aldi Baterako Egonaldi Zentroa (Espainiako estatuko CIE baten antzekoa) bisitatzea, eta topaketa interesgarriak izango ditugu CIEn borondatez lan egiten duten erakundeekin, itsas salbamenduan lan egiten duten erakundeekin eta mugimenduan dauden pertsonei leku ezberdinetan eta Triesteko Munduko Plazan harrera egiten dieten aktibistekin.
Italiako azken etapa honetan ere ez dugu ahaztuko memoria demokratikoa, bereziki eskuin muturrak gobernatzen duen testuinguru batean. Hori dela eta, Italian izan zen kontzentrazio-esparru nazi bakarra bisitatuko dugu, Risiera di San Sabba.

Eta bueltan, geldialdi bat egingo dugu Gattatikon, Cervi anaien etxea bisitatzeko, borroka antifaxistaren sinbolo bizia.
Aurten, ohi bezala, Carovane Migrantiko kideekin eta ekarpen handia egiten diguten beste muga batzuen lekukoekin bidaiatuko dugu.

Honako hauek datak, uztailaren 12tik (ostirala) 21era (igandea). Izena emateko formularioa irekiko dugu mugakideak.net atarian, eta informazio guztia Balkanak Karabana 2024 atalean argitaratuko dugu. Facebook, X, Instagram eta Telegram Kanaletan ere jarrai gaitzakezu MEDIATECA CAF eta AVISOS Caravana Abriendo Fronteras.

Laster arte!!